muslim.uz

muslim.uz

Четверг, 01 Декабрь 2022 00:00

Раббоний маънолар (видео)

Шайх Салоҳ Абулҳож ҳафизуллоҳ

Тошкент ислом институтида “Аҳолини фавқулодда вазиятларда ҳаракат қилишга тайёрлаш ва ёнғин хавфсизлигини таъминлаш” мавзусида Фавқулодда вазиятлар вазирлигининг ёнғин хавфсизлиги ва авария-қутқарув хизмати ходимлари томонидан амалий машғулотлар бўлиб ўтди.
Тадбирда Ўзбекистон мусулмонлари идораси, “Шамсуддинхон Бобохонов” нашриёт-матбаа ижодий уйи, ТИИ профессор-ўқитувчилари, ходимлари ва талабалари иштирок этдилар.
Фавқулодда вазиятлар жабрланган одамларнинг сонига, кўламига ва етказилган моддий зарарнинг миқдорига қараб локал, маҳаллий, республика миқёсида ҳамда трансчегаравий бўлиши мумкин.
Табиий ҳамда техноген хусусиятли фавқулодда вазиятлар қуйидагилардир: муайян ҳудудда одамлар қурбон бўлишига, одамларнинг соғлиғига ёки атроф табиий муҳитга зарар етишига, жиддий моддий талафотларга ҳамда одамларнинг ҳаёт фаолияти шароитлари бузилишига олиб келиши мумкин бўлган ёки олиб келган авария, ҳалокат, хавфли табиий ҳодиса, табиий офат ёхуд бошқа офат натижасида, карантинли ва инсон учун хавфли бўлган бошқа юқумли касалликлар тарқалиши натижасида юзага келган вазиятлар.
Фавқулодда вазиятлар рўй берганда ўтказиладиган ҳамда одамларнинг ҳаётини асраб қолишга ва соғлиғини сақлашга, атроф табиий муҳитга етказиладиган зарар ва моддий талафотлар миқдорларини камайтиришга, шунингдек фавқулодда вазиятлар зоналарининг кенгайишига йўл қўймасликка ҳамда хавфли омиллар таъсирини тугатишга қаратилган қутқарув ишлари ва кечиктириб бўлмайдиган ишлар мажмуи, фавқулодда вазиятларни бартараф этиш деб аталади.
Фавқулодда вазият манбаи юзага келганлиги оқибатида одамлар қурбон бўлиши, уларнинг соғлиғига ёки атроф табиий муҳитга зарар етиши хавфи мавжуд бўлган ва (ёки) унинг таъсирида жиддий моддий талафотлар кўрилган, шунингдек одамларнинг ҳаёт фаолияти шароитлари бузилган ҳудуд фавқулодда вазият зонаси ҳисобланади.
Фавқулодда вазиятларнинг олдини олиш деганда, олдиндан ўтказиладиган ҳамда фавқулодда вазиятлар рўй бериши хавфини имкон қадар камайтиришга, бундай вазиятлар рўй берган тақдирда эса одамларнинг ҳаётини асраб қолишга ва соғлиғини сақлашга, атроф табиий муҳитга етказиладиган зарар ва моддий талафотлар миқдорларини камайтиришга қаратилган тадбирлар мажмуи тушунилади.
Ўзбекистон Республикаси Фавқулодда Вазиятлар Вазирлиги Махсус вазифалар буйича Республика қутқарув маркази Қидирув-қутқарув отряд командири катта лейтенант Пардаев Бобурмирзо фавқулодда вазиятларда қўлланиладиган техникалар ва асбоб-ускуналари тўғрисида маълумот берди. Амалий машғулот сифатида аврия-қутқарув мутахассислари 4 қаватли талабалар турар жойидан “фалокат ҳолатидаги шахс”ни қутқариб, пастга олиб тушдилар.

Билим юрти матбуот хизмати

Среда, 30 Ноябрь 2022 00:00

Aбадий ҳаётни унутиш (8 қисм)

Нафснинг яна бир оғир касаллиги – абадий ҳаётга бепарволик. Инсон токи нафсининг ёмонликларидан халос бўлмагунча ҳақиқий ҳаёт бўлган – охиратни ўйлашдан узоқлашаверади. Банда дунёвий нарсаларга бўлган муҳаббатни йўқотмаса, абадий ҳаёт лаззатларини ҳис қила олмайди.

Эй Aллоҳга иймон келтирган банда! Қалбингдан Aллоҳдан бошқа барча нарсага бўлган муҳаббатни чиқариб ташламагунингча бу ҳаётда Аллоҳ билан ором топа олмайсиз.

Яҳё ибн Муъоз ар-Розий раҳимаҳуллоҳ бежиз айтмаган: “Ким ўзини унутган ҳолда (нафсини ўлдирган ҳолда) Aллоҳга яқинлашса, Aллоҳ таоло уни нафсининг ёмонликларидан сақлайди".

Инсон Роббига яқинлашиши учун нафсини гуноҳ ишлардан сақламоғи лозим. Расулуллоҳ соллаллоҳу алайҳи васаллам: “Жаннат инсонга ёқмайдиган амаллар, дўзах эса шаҳватлар билан ўралган”, деганлар (Имом Доримий, Имом Термизий ривояти).

 

Муолажа услуби

Инсон бу нафс касаллигидан халос бўлиш учун – кўпроқ рўза тутиши, уйқу соатларини қисқартириши, нафси қаттиқ истаб турган амаллардан тийилиши ва нафси ёмон кўрган ишларни бажариши лозим.

Муҳаммад ибн Иброҳимдан Яҳё ибн Муъоз ар-Розий раҳимаҳуллоҳнинг қуйидаги сўзларини эшитдим. Унга Муҳаммад ибн Румий айтган экан: “Очлик Aллоҳ таолонинг марҳамати, у орқали танлаган бандаларининг жасади қувватланади”.

Мўминлар амири Умар ибн Хаттоб розияллоҳу анҳу одамларга бундай насиҳат қилардилар: “Ҳисобга тортилишингиздан аввал нафсингизни ҳисоб-китоб қилинг ва Қиёмат кунига тайёргарлик кўринг. Қиёмат кунидаги ҳисоб фақат дунёда ўзини тергаб турган кишиларгагина енгил бўлади”.

Ҳазрат Умар розияллоҳу анҳу агар кеч кирса, икки оёқларига қамчи билан уриб, ўзларига: “Бугун Аллоҳ учун нима иш бажардинг?” дер эдилар.

Яна Aбу Мусо ал-Aшъарий раҳимаҳуллоҳ мактубларидан бирида: “Токи омонликда экансиз Қиёмат кунигача ўзингиздан ҳисоб талаб қилинг”, деб ёзганлари ривоят қилинади.

 

Абу Абдураҳмон ас-Суламийнинг

"Нафс иллатлари ва уларнинг муолажаси" китобидан

Даврон НУРМУҲАММАД таржимаси.

Шу йил 30 ноябрь куни Ўзбекистон мусулмонлари идорасида мусулмон дунёсида таниқли муҳаддис олим, Шайх Муҳаммад Аввоманинг фарзанди доктор Муҳйиддин Аввома қаламига мансуб “Ўзбекистонга саёҳат” китоби кенг жамоатчилик иштирокида тақдимот маросими бўлиб ўтди.

Сўнгги йилларда муҳтарам Президентимиз ташаббуслари билан мамлакатимизда зиёрат туризмини ривожлантиришга алоҳида эътибор қаратилаётгани натижасида юртимизга келаётган сайёҳлар сони кундан-кунга ортиб бормоқда. Мана шундайлар орасида Ислом оламида ўзининг муносиб ўрнига эга бўлган фазилатли алломаларнинг ҳам борлиги катта ифтихор бағишлайди. Маълумки, 2018 йилда Шайх Муҳаммад Аввома ҳазратлари бошчилигидаги меҳмонлар диёримизга ташрифда қиблагоҳига ҳамроҳлик қилган Муҳйиддин ибн Муҳаммад Аввома сафар давомида олган таассуротларини жамлаб, “Ўзбекистонга саёҳат” номли асарини ёзди.

Тадбир Қуръони карим тиловати ва хайрли дуолар ила бошланди.

Тақдимотда сўзга чиққан Ўзбекистон мусулмонлари идораси раисининг биринчи ўринбосари Ҳомиджон домла Ишматбеков муаллиф ушбу китобда сафар давомидаги таассуротлари, зиёрат давомида туйган ҳислари, юртимиз тарихига оид муҳим маълумотлар, хусусан, диёримизга Ислом динининг кириб келиши, шонли тарихимиз, маданиятимиз, ўтмишда ўтган халқимизнинг гўзал хулқ-атворлари ҳақида ҳам сўз юритганини алоҳида қайд этди. Шунингдек, у ушбу китобда зиёрат давомида ташриф буюрган ҳар бир олимнинг таржимаи ҳоллари ҳам келтирилгани юртимиз, алломаларимиз довруғини янада бутундунёга таратишга хизмат қилиши каби манфаатли ва муҳим жиҳатларига алоҳида тўхталди.

“Ҳилол нашр” нашриёти ва islom.uz портали раҳбари Исмоил Муҳаммад Содиқ Шайх Муҳаммад Аввома ҳазратларининг юртимизга ташрифи жараёнлари, фарзандлари доктор Муҳйиддин Аввома қаламига мансуб “Ўзбекистонга саёҳат” китобининг ёзилиш тарихи ҳақида сўзлади.

Доктор Муҳйиддин Аввома мазкур асарни ёзишга бўлган асосий омиллар, унинг таркибий қисмлари, келтирилган замин алломаларининг ҳаётлари ва фаолиятлари, юрт уламолари қатор мамлакатларга илмий сафар қилганлари, дунё кезган бўлсаларда ўз она юртларига қайтиб, ўзлари улғайган ватан тупроғига дафн этилганлари каби ибратли воқеаларни кенг изоҳлаб берди.

Ўзбекистон мусулмонлари идораси Фатво маркази уламоси Муҳаммад Айюбхон домла Ҳомидов ушбу китобнинг аҳамияти, ўлкамизнинг зиёрат туризми салоҳиятини бутун дунёга кенг намойиш этишдаги ўрни ва уни ўзбек тилига таржима қилиш орқали диёр уламоларининг ҳали кўпчиликка маълум бўлмаган ноёб қирраларини кашф этиш мумкинлигини алоҳида қайд этди.

Сўзга чиққан нотиқлар кейинги йилларда давлатимиз раҳбари ташаббуслари билан мамлакатимизда зиёрат туризмини жадаллаштириш, мавжуд улкан туризм салоҳиятидан янада тўлиқ ва самарали фойдаланиш бўйича кенг кўламли ислоҳотлар амалга оширилаётгани, чиндан ҳам, ўлкамизда зиёрат туризмни ривожлантириш учун дунёнинг ҳеч бир чеккасида учрамайдиган жуда кўп ноёб маданий мерослар, осори атиқалар, алломаларимиз қўним топган мақбара ва зиёратгоҳлар мавжуд экани, буларнинг барчаси Ўзбекистон қадимдан илм-маърифат маркази, бу диёр бутун дунёга олимларни етиштириб берган замин бўлганини кўрсатишини изоҳлади. “Ўзбекистонга саёҳат” номли асари мана шундай жиҳатларни ўз ичига қамраб олганини билдирдилар.

Тақдимот доирасида Ўзбекистон мусулмонлари идораси раиси, муфтий Нуриддин домла ҳазратларининг ташаббуслари билан ташкил этилган muslim.uz интернет порталининг янги медиа марказининг очилиш маросими ҳам бўлиб ўтди.

Китоб тақдимотида таниқли уламолар, тажрибали ва фаол имом-хатиблар ва муддарислар, талаба-ёшлар, ОАВ ходим ва кенг жамоатчилик вакиллари иштирок этди.

 

Ўзбекистон мусулмонлари идораси Матбуот хизмати

Мақолалар

Top